Prokurori i Krimeve të Rënda, Gentian Osmani është konfirmuar ngë detyrë nga KPK, duke kaluar me sukses vettingun.
Sipas KPK-së prokurori Osmanaj është i pastër pasi ka deklarim të saktë dhe s’ka fshehur pasurinë.
Në seancën dëgjimore në KPK, ILDKPKI-ja kishte raportuar se Osmani kishte kryer deklarim të rregullt periodik dhe se nuk kishte fshehje të pasurisë.
Po ashtu, Drejtoria e Sigurimit të Informacioneve të Klasifikuara (DSIK), nëpërmjet raportit të saj, ka konfirmuar përshtatshmërinë e Gentian Osmanit për të vijuar detyrën.
“Jam i lumtur, ishte sfidë e madhe sepse është sfidë e vështirë. Ndjej keqardhje për kolegët që nuk e kaluan procesin. Mësimi që morëm është të jemi të kujdesshëm me krimin. Unë do vazhdoj të hetoj çështje sensitive deri në momentin që do shpallet gara për KLP”,- tha ai.
Osmani ka qënë një prej tre emrave kryesorë, bashkë me Besim Hardarmatajn dhe Elisabeta Ymerajn, të cilët kërkuan arrestimin e ish-ministrit Saimir Tahiri për korrupsionin dhe trafikim lëndësh narkotike. Osmani është kandidat në Këshillin e Lartë të Prokurorisë.
Javanews/a.ç
