Kryetari i Partisë Demokratike Lulzim Basha ka paralajmëruar se kryeministri Edi Rama dhe kryebashkiaku i Tiranës Erjon Veliaj do të shkojnë në burg për afera korruptive.
“As Edi Rama as Erion Veliaj nuk kanë për të shkuar në asnjë vend tjetër përveçse në burgun 313, aty ku çuan me të padrejtë fëmijë 13-vjeçarë dhe nëna shtatzënë sepse mbronin pragun e shtëpive të tyre. Nuk do ti lejojmë të arratisen nga Shqipëria, por do të japin përgjegjësi para drejtësisë”, tha Basha nga protesta te Unaza e Re, që këtë të enjte shënoi ditën e 89.
Kryedemokrati bëri akuza konkrete ndaj Ramës dhe Veliajt:“Përshëndes banorët e Unazës për qëndresën e jashtëzakonshme që ka hyrë në ditën e 89. Ndaj me qytetarët lajmin se kurajo e tyre ka infektuar gjithë Shqipërinë. Qytetarët vlerësojnë qëndresën e tyre në mbrojtje të ligjit dhe kushtetutës. Falë kësaj qëndrese sot është arritur fitorja tjetër. Ishte llogaritur që tenderin ta merrte një kompani tjetër me 5 mln euro më tepër ofertë se oferta më e ulët. Falë qëndresës, sot shqitparëve I janë kursyer 5 mln euro. Ka ndodhur vetëm për shkak të qëndresës dhe protestës së pandërprerë. Nga kjo qëndresë ka përfituar çdo shqiptar, sepse nga frika Ramën e detyroi të tërhiqet nga tenderi I dytë korruptiv. Sot ëshë koha të kujtojmë se asnjë person nuk është marrë para përgjegjësisë për Unazën e Re dhe 20 mln eurot e korruptuar si dhe për projektin e transferimit të Lumit Lana për ndërtimet 60 mln euro të trafikantit, mik I Edi Ramës. Në këtë situatë, opozita e ka kryer detyrën e saj. Sot jam këtu për ti bërë thirrje qytetarëve të Tiranës. Në këtë kohë që flasim erion veliaj po bën dy akte korruptive: shembjen e një pjese të Policisë Bashkiake, si dhe dhënien me koncesion të parkingjeve të Tiranës. Kjo bëhet në kurriz tuaj, ndaj ju bëj thirrje të ngrihemi të protestojmë, tek Astir, në Shkozë dhe të bashkohemi me 16 shkurt në shesh, ku siç e tha artisti I njohur: këtij mali të abuzimit dhe korrpusionit t’I jap një grusht mu në zemër, ti japim grusht pushtetit të korrupsionit të Edi Ramës”.
Akuza, kryedemokrati hodhi edhe ndaj organit të akuzës. “Po asistojmë në një farsë totale. Prokuroria duhet të çojë në burg politikanët e kapur në flagrancë, duke blerë e shitur vota. Me aktin e sotëm ku ajo shqetësohet për nxjerrjen e sekretit nga Zëri i Amerikës, prokuroria meriton grushtin më të fuqishëm me 16 shkurt, njësoj si Edi Rama dhe Erion Veliaj”.
Nga Unaza, Basha u bëri thirrje qytetareve të Tiranës, për pjesëmarrje në protestën e 16 shkurtit.
/a.meta
