Ndryshe nga sa u raportua deri më tani nga mediat italiane, 2-vjeçari Emanuele Morganti nuk është vrarë nga shqiptarët.
Ka qenë kryeprokurori i Frosinones, Giuseppe De Falco, i cili në një konferencë për shtyp ka sqaruar se autorët e kësaj ngjarjeje të rëndë nuk kanë qenë shqiptarë.
20-vjeçari u masakrua për vdekje në qendër të Alatrit pak ditë më parë, nga një grup personash, pas një konflikti të nisur në një lokal nate.
Ai u godit me grushta, shkelma e shufër hekuri dukë marrë dëmtime të rënda në kafkë që i kushtuan atij jetën. I riu italian vdiq pas dy ditësh në agoni.
Lidhur me këtë ngjarje, hetuesit sqaruan se 7 janë personat që po hetohen, ndërsa ditën e sotme, autoritetet italiane kanë arrestuar dy vëllezër, të cilët dyshohet se i kanë dhënë të riut goditjet fatale.
a.ç
