Prokurorët e dosjes në ngarkim të ish-ministrit të Brendshëm, Saimir Tahiri kanë ‘braktisur’ seancën e sotme në ngarkim të Emiljano Shullazit.
“Panorama” raporton se paraditen e sotme mungesa e dy prokurorëve Elisabeta Imeraj dhe Ened Nakuçi e ka bërë të pamundur zhvillimin e seancës së radhës në ngarkim të Emiljano Shullazit.
Ata nuk u paraqitën në seancë dhe në mungësë të tyre kishin paraqitur një shkresë në të cilën shkruanin se për “arsye objektive” nuk mund të ishin të pranishëm.
Shkresa ishte dërguar nga zv/ kryeprokurori i Krimeve te Rënda, Gent Osmani me porosi të Kryeprokurorit te Krimeve te Renda Hajdarmata.
Në nisje të seancës avokati i Shullazit kërkoi pushimin e cështjes, pasi sipas tij mosparaqitja e prokuroreve tregon qe akuza nuk ka vullnet ta cojë në fund cështjen.
Ai përmendi edhe rastin e Italisë, duke thënë se vetëm në një gjyq ka munguar prokurori se u aksidentua. Në fund gjykata e shtyu seancën.
a.ç
