Debatet mbi projektligjin për Arsimin e Lartë kanë qenë të ashpra në seancën e posaçme të zhvilluar sot në Kuvendin e Shqipërisë.
Deputetja demokrate e cila pak ditë më parë kishte tentuar të fliste edhe në mbledhjen e kryesosë së PD për këtë projektligj, foli sërisht sot në Kuvend, duke e konsideruar këtë si projektligjin i cili i jep të drejtën opozitës për ta rrëzuar këtë qeveri.
“Refuzojeni këtë ligj.
Sepse një milion të papunët nuk kanë 3 apo 4 mijë euro për të paguar universitetin.
Në këtë tarifë nuk përfshihen librat, transporti.
Refuzojeni këtë ligj, sepse ky është ligji që u thotë të rinjve, ikni.
Ky kryeministër ka zgjedh të bëjë tregti diplomash.
Ky ligj është një arsye për të rrëzuar regjimin.”, u shpreh Rama.
