Ministria e Mjedisit ka bërë një projekt për godinën e ekspozitës në qafën e Llogarasë, në Vlorë. Është bërë procedura tenderuese dhe është shpallur edhe fituesi. Sipas dokumenteve që disponon gazeta “Shqip”, institucioni i drejtuar nga Lefter Koka ka akorduar 200 milionë lekë për ndërtimin e kësaj godine. Ajo do të shërbejë si ekspozitë dhe mund të përdoret si pushim për të gjitha automjetet që kalojnë nga Vlora dhe Orikumi në drejtim të Himarës, apo Sarandës etj.
Mësohet se tenderi është bërë në muajin maj të këtij viti, por disa firma që janë s’kualifikuar nga procedurat e kanë animuar. Vetëm disa ditë më parë, Agjencia e Prokurimit Publik ka shpallur edhe fituesin, që është një shoqëri me seli në Elbasan.Sipas këtyre dokumenteve, godina do të jetë e gjitha prej druri. Ajo do të jetë me kolona druri, trarë druri dhe me një çati me tjegulla të lehtësuara. Pamja ballore do të jetë e lartë, duke u ulur nga pjesa e pasme. Në të do të vendosen disa fotografi dhe do të shërbejë si një ekspozitë.
Më parë, në të njëjtin vend, ka pasur disa ndërtime, por që janë prishur nga IKMT-ja, pasi nuk kishin leje./a.k
