Kryetarja e LSI Monika Kryemadhi ka hedhur akuza në drejtim të kryeministrit Rama që sipas saj “ka nxjerrë vendin në shitje”.
Nga foltorja e Kuvendit ajo e krahasoi ramën me një pushtues gjakatar.
Kryetarja e LSi u ndal tek disa çështje në fjalën e saj, nga konçesionet te droga e deri te përmbytjet në Shkodër.
Pjesë nga fjala e Kryemadhit:
Edhe pushtuesit më gjakatar nuk kanë pasur këtë trajtim nga qeveria.
Ka më shumë se dy javë në Shkodër që banorët janë mallkuar nga përmbytjet, edhe pse duhet të ishin të bekuar.
Kjo qeveri ka një projekt Shqipëria në shitje, pasi e ktheu në një vend me prodhimin me më të lartë. Kjo qeveri së shpejti do të jap dhe pacientët me koncesion pasi me spitalet mbaroi, kjo qeveri i ka dhënë të gjitha me koncesion.
Ujin po e paguajnë si naftë dhe naftën sikur të jenë danezë, qeveri po mbush vendim me kulla që po mbin si kërpudha. Kemi kryeministri i cili e quan sukses depërtimin e 10 % të popullsisë. Kemi më shumë shitës sesa klientë
Edhe pse nuk ka vënë kufje nuk ka veshë për të dëgjuar, por ai duhet të vendos syze që të shikojë vetëm ato që shikon në Facebook, por të shikoj dhe mjerimin.
Të gjithë e dinë se Rama, nuk ka kursyer askënd nga njerëzit e tij më të afërt, bashkëpunëtorë, e dinë që nuk ka kursyer as familjarët e tij kur ka qenë fjala për të ruajtur karrigen.
Ku e ke ish ministrin që kanabizoi vendin, paratë e të cilit të sollën në pushtet. Në këtë sallë në krah ka njerëz milionerë, por që nuk justifikojnë dot as makinat me të cilat lëvizin. Ke njerëz që bëjnë jetë luksoze dhe i sheh në shoqërinë e banditëve dhe kriminelëve por hesht, se i shërbejnë./a.m.
