Brenda tre muajve 26 kryetarë bashkie do të kenë në tryezën e tyre planet e reja rregullues të njësive vendore që drejtojnë. Kjo konfirmohet nga zëvendësministri i Zhvillimit të Urban Gjon Radovani, i cili e sqaroi projektin e qeverisë për finalizimin e këtij procesi jetik të zhvillimit të zonave, sipas hartës së re territoriale.
Pak ditë më parë qeveria miratoi një fond të posaçëm prej 730 milion lekësh për këtë projekt pjesë e të cilit janë 26 bashki nga të cilat 5 drejtohen nga e djathta dhe 21 nga e majta. Kryetarët e 5 bashkive të djathta kanë konfirmuar bashkëpunimin me pushtetin qendror për hartimin dhe miratimin e planeve të reja të rregullimit të territorit në njësitë që ato drejtojnë.
