Kjo e shtunë do të jetë një ditë feste për kryeqytetin. Bashkia e Tiranës përmes një ceremonie të veçantë do të bëjë hapjen e sheshit “Skënderbej”, i cili do të jetë tërësisht në dispozicion vetëm të këmbësorëve.
Pas gurëve nga të gjitha trojet shqiptare, në skenën e improvizuar në Sheshin “Skënderbej” me rastin e përurimit do të vijnë tingujt e të gjitha trojeve ku jetojnë shqiptarë.
Përmes një postimi në Facebook, kryebashkiaku Erion Veliaj ka zbuluar programin e pasur artistik, ku këngëtarë, valltarë dhe instrumentistë nga të gjithë trojet shqipfolëse do të performojnë para mijëra qytetarëve të ardhur nga qytetet e tjera të Shqipërisë, Kosovës, Malit të Zi, Maqedonisë dhe nga diaspora. “Ejani të festojmë së bashku në një festë të madhe të shpirtit shqiptar në 10 Qershor, ora 19.30”, shkruan Veliaj në profilin e tij në Facebook.
Kryeqyteti për disa orë do të festojë në tingujt e këngëve dhe valleve të grupeve të ndryshme, që nga Kori i Teatrit Kombëtar të Operas dhe Baletit e deri te Ansambli i Rugovës.
“Fragment nga Eposi i Kreshnikëve”, “Himni Kombëtar”, “Valle e Tiranës”, “Valle e Ansamblit Folklorik të Rugovës”, “Këngë arbëreshe”, “Orkestrale e Mirditës”, do të jenë vetëm disa nga performancat që do të ngjiten në skenën e instaluar në sheshin “Skënderbej” me rastin e inaugurimit të tij.
Programi artistik
Rrjedh në këngë e ligjërime
Performancë me timpanë
“Vallja e dëborës” – Trimat e Jutbinës
“Fragment nga Eposi i Kreshnikëve” – Lahutarët
Performancë “Maj’e Krajit”
Ceremonia e ngritjes së flamurit
Himni Kombëtar – Kori i TKOBAP
Fjalë përshëndetëse e Kryetarit të Bashkisë së Tiranës, z. Erion Veliaj
Fjalë përshëndetëse e Kryeministrit të Shqipërisë, z. Edi Rama
“Besa-Besë” – Grupi i Bënçës Tepelenë
“Janinës ç’i panë sytë” – Performancë e grupeve shqiptare dhe franceze
“Vallja e kaçakëve”
“Tanë Kako Tanë” – Grupi Çam
“Po vijnë krushqit” – Kori i TKOBAP
Fyejt e Gramshit
Valle e Tiranës
“Balada e Konofatit” – Grupi i Kolonjës
Valle e Ansamblit Folklorik të Rugovës
“Vajzë e Valëve” – Grupi i Himarës
Këngë arbëreshe
“Mbeç more shokë mbeç”
Vallja e Osman Takës
Grupi Ergjeria
Kori i Shkodrës
Valle e Dropullit
“Globi Rrotullohet” – Korale
Valle e Devollit Gorarçe – Grupi i fëmijëve të Korçës
Orkestrale e Mirditës
Muzikë nga filmi “Skënderbeu” – Kori dhe orkestra e TKOBAP
a.ç
