Programi ndërkombëtar i shkëmbimeve kulturore “Bukuri të larmishme – Këngë harmonike”i prodhuar bashkarisht nga Grupi Mediatik i Kinës dhe Ministria e Kulturës dhe Turizmit, u transmetua në kanalin gjeneralist të CCTV.
Programi ka si linjë kryesore temën “Muzika kapërcen kufijtë dhe kultura ndërton ura”. Përmes formatit “performanca arti + vizita në terren + vlerësime kulturore”, në të interpretohen vepra klasike kineze dhe të huaja, duke prezantuar integrimin e muzikës kineze dhe asaj botërore. Gjithashtu programi është një festë e shkrirjes së artit ndërkufitar, ndërkohor dhe ndërqytetërues, i cili shfaq një pamje të re të bukurisë së përbashkët nën moton “civilizimet janë shumëngjyrëshe për shkak të shkëmbimeve dhe qytetërimet pasurohen për shkak të mësimit të ndërsjellë”.
Programi“Bukuri të larmishme – Këngë harmonike”përdor vizitat kulturore përmes historive të gjalla, si linjë për të ndërtuar një strukturë të re narrative. Në të janë xhiruar skena të gjalla të Kinës që bashkon duart me vendet e tjera për të promovuar shkëmbimet e ndërsjella, të mësuarit midis qytetërimeve të ndryshme dhe për të ndarë frytet e zhvillimit njerëzor
Programi “Bukuri të larmishme – Këngë harmonike” kishte planifikuar të rrëfente hijeshinë unike të katedrales Notre Dame de Paris, një trashëgimi kulturore botërore, në dimensione të shumta. Prezantuesi e çoi audiencën në Muzeun Kombëtar të Kinës për të shijuar Ekspozitën “Rilindja nga zjarri – Ekspozita zhytëse e realitetit të shtuar të Notre Dame de Paris” për të mësuar rreth së shkuarës dhe së tashmes së Notre Dame de Paris, pikërisht duke përdorur pajisje AR.
