Profil/ Ish i burgosuri i Guantanamos që bën pica në Tiranë
Abu Bakker Qassim ishte i shqetësuar kur mësoi se Shqipëria u garantoi atij dhe disa ujgurëve myslimanë azil politik. Qassim ka vuajtur 4 vjet e 6 muaj burgim në burgun famëkeq të Guantanamos në Kubë, që kontrollohet nga amerikanët. “Për Shqipërinë dija vetëm se ishte një shtet komunist”, thotë Qassim për “International Public Radio”.
I thosha vetes se ne po iknim nga një vend komunist si Kina në një tjetër vend komunist. Qassim tregon se ai iku nga Kina në vitin 2001 për t’i shpëtuar persekutimit në vendlindje. Ai bën pjesë në një komunitet myslminano-turkfolës, që ndërkombëtarisht njihet si ujgur. Qssim ishte mes 22 ujgurëve që u kapën në kufirin afgano-pakistanez në vitin 2011. Shumë fakte dhe detaje mbeten ende të pazbuluara për rrethanat e arrestit të tij. Pas kapjes, Qassim u dërgua në një kamp në Tora Bora të Afganistanit. Për shumë arsye, ujgurët u trajtuan si militantë që luftonin për pavarësinë e tyre nga Kina. Por gjërat ndryshuan shpejt dhe SHBA-të i njohën ujgurët jo si armiq të tyre. Pavarësisht kësaj, askush nuk i pranonte ata në brenda kufijve. Shqipëria, më në fund pranoi që në vitin 2006 t’u ofronte azil shumë prej tyre. Aty Qassimi nisi të lexonte për Shqipërinë. Ai u njoh me historinë e Shqipërisë dhe marrëdhëniet e hershme me Kinën e Mao Ce Dunit. “Kisha idenë se Shqipëria ishte vend i madh, pasi kur isha i ri, Kina kishte marrëdhënie të mira me Shqipërinë dhe fliste aq shumë për të sa që mendonim se ishte shtet i madh”, thotë ai. Por kur mbërriti në Shqipëri, Qassimi e pati të vështirë të besonte se ishte këtu. Tirana iu duk qytet shumë i vogël për të qenë kryeqytet i një shteti si Shqipëria, që në mendjen e tij ishte vend i madh.
“Po shihja hartën për të gjetur Shqipërinë dhe nuk arrija dot ta gjeja. Pyesja njerëzit ‘a mund të ma gjeni Shqipërinë?’ dhe ajo që më tregonin ishte një pikë uji”, thotë ai. Ai më pas mësoi se Shqipëria nuk ishte më nën diktaturë dhe se shumica e popullsisë i përket besimit islam. Ai gjithashtu mësoi se shqiptarët i pëlqejnë shumë picat dhe nisi të mësonte si t’i gatuante. Tani, Qassimi punon si picier në Tiranë, ka mësuar shqip dhe ndihet mirë. Specialiteti i tij është pica mikse, me perime shqiptare dhe sallam boshnjak. “Në fillim kisha shumë vështirësi. Beja gabime dhe nuk arrija dot që ta bëja picën rrethore. Por tani jam bërë thuajse mjeshtër”, thotë ai. Sa për shqipen, iu deshën gati një vit dhe tani e flet mjaft mirë. Sipas tij, shqipja është e vështirë, por ai ka arritur ta përthithë mirë atë.
