“Gazetaria nuk është Xhixhile moj Xhixhile më ra telebingo”! Kështu e cilësoi Bardhyl Matraxhiu, profesor i njohur i Universitetit të Tiranës, intervistën e bërë nga Ardit Gjebrea në burgun e Fushë-Krujës me të dënuari me burg përjetë, Marjan Rroku. Në rrjetin e tij social “Facebook, ai shkruan se: “Me autoritetin e tij si ish-këngëtar i njohur dhe tani moderator i njohur i ‘Telebingos’, befasisht Gjebrea bën ‘gazetarin’ në një skup të intervistës me një vrasës sadist të dënuar me burgim të përjetshëm.
Sigurisht që e kanë përdorur për qëllime që nuk i dimë, por vetë ai duhej ta kuptonte se nuk mund ta intervistojë një të dënuar pa parë më parë dosjen e tij në gjykatë dhe duke u munduar të jetë sa më objektiv, që të mos lëndojë të afërmit e viktimave. Se atë që krimineli e paraqet si vrasje pa paramendim dhe që ishte ai që përndiqej nga viktima, do të kishte parë të kundërtën, që paska pasur 5 denoncime për dhunë nga e ndjera…
Por, edhe pa i ditur këto fakte, si mund të besojë ai dhe të mos pyesë se si iku vrasësi në Amerikë me identitet tjetër pa pasur më parë një plan paraprak?! Kjo tregon se, ose Arditit i ka rënë telebingoja (shuma ka qenë e madhe), ose ai kujton se gazetaria është tralala”.
