Partia Demokratike i konsideron qesharake masat e marra nga qeveria për të ulur çmimet e produkteve ushqimore dhe karburantit.
Nëpërmjet një postimi në “Facebook”, nënkryetarja e PD, Jorida Tabaku thotë se rruga e vetme për të ulur çmimet është ndryshimi i strukturës së taksimit, pasi sipas saj, aktualisht inflacioni është 4%.
Tabaku thekson se rrogat e qytetarëve nuk janë rritur, por produktet i blejnë 4% më shtrenjtë se një vit më parë. Nënkryetarja e PD shprehet se në këtë kohë krize qeveria po programon më shumë taksa duke rikthyer taksën për Biznesin e Vogël dhe një sërë taksash të tjera që do të dëmtojë sipërmarrësit dhe të punësuarit. Tabaku shkruan se çmimet në vendin tonë janë të larta si pasojë e taksave të vendosura nga qeveria.
/a.r
