Policia e Tiranës, në kuadër të operacionit policor “Morava” bëri të mundur sekuestrimin i një punishteje me pije alkoolike të falsifikuara si dhe u arrestuan në flagrancë 4 persona. Në pranga kanë rënë:
1- Edlir Hasa, 43 vjeç, lindur dhe banues në Tiranë , i punësuar si administrator dhe pronar i kompanisë së prodhimit të pijeve alkoolike « Deis » sh.p.k.
2- Qemal Xhafa, 36 vjeç lindur ne Fier,dhe banues në Tiranë i punësuar si shofer pranë kësaj kompanie
3- Kristaq Jorgo, 62 vjeç, lindur në Tepelene dhe banues në Tiranë, me detyrë Teknolog pranë kesaj kompanie
4- Ndriçim Hasa, 37 vjeç , lindur dhe banues në Tiranë, me detyrë menaxher pranë kësaj firme.
Arrestimi i këtyre personave u bë për arsye se në bashkëpunim me njeri –tjetrin duke shfrytezuar liçencën që kompania “Deis” kishte per prodhimin e disa pijeve alkoolike me emertimin “Deis” prodhonin dhe hidhnin në shitje pije të ndryshme të markave të mirnjohura ndërkombëtare si “Gordons Gin”,Fernet “Branca”,Amaro “Disarono”,ëiskey “Jack Daniels”. Gjithashtu në këtë punishte dyshohet se prodhohej dhe hidhej për shitje edhe konjaku “Skenderbeu” dhe vera “Merlot”. Nga ana e policisë në cilësinë e provës materiale janë sekuestruar një sasi e konsiderueshme pijesh alkoolike me mbishkrimet, GORDONS LONDON DRY GIN, Ferrnet Branka, UZO, JACK DANIELS ËHISKEY e të tjera.
Materialet i kaluan Prokurorisë së Rrethit Gjyqësor Tiranë për veprat penale të ’’Shkeljes e të drejtave të pronësisë industriale’’,“Prodhimit të kundraligjshëm i artikujve dhe mallrave industriale dhe ushqimore ‘’, të kryer në bashkëpunim , ‘’Fshehjes të të ardhurave’’ dhe ‘’Falsifikimit të vulave, stampave dhe formularëve’’.
