Mazda MX-5 Miata u zgjodh Vetura e Vitit në muajin mars dhe tani kompania japoneze ka festuar një moment historik – prodhimin e ekzemplarit të njëmiliontë të modelit.
Gjenerata e parë e MX-5 u shpalos më 1989 dhe 27 vjet më pas vetura ka arritur njësinë e njëmiliontë të krijuar më 22 prill.Vetura do të shpaloset në “Goodwood Festival of Speed” në Britani të Madhe më 26 qershor.
“Nga gjenerata e parë deri te gjenerata e katërt aktuale, arsyeja që kemi arritur të vazhdojmë shitjen e MX-5 gjithë këto vjet është për shkak të përkrahjes së madhe të fansave në botë”, ka thënë përfaqësuesi i Mazdas, Masamichi Kogai.
Mazda është themeluar 96 vjet më parë në Hiroshima dhe në vitin 2000 u regjistrua në Librin e Rekordeve si vetura më e suksesshme me dy ulëse në histori me 531891 njësi të shitura. Deri më 2011 kompania shiti 900 mijë vetura të tilla.
