Koorporata Elektroenergjitike Shqiptare (KESH) në kushtet e thatësires së tejzgjatur, po merr masa për të siguruar furnizimin e konsumatorëve me energji nga importi edhe për muajin shtator 2017.
Sipas të dhënave të Koorporates Elektroenergjitike, niveli i ujit në hidrocentralin e Fierzës vijon të mbetet në 269 metra, ndërkohë që prurjet janë 20 metër kub për sekondë.
Nisur nga kjo situatë, KESH ka ulur në minimum prodhimin, duke plotësuar vetëm pjesën e humbjeve në transmetim dhe shumë pak energji shkon për Operatorin e Shpërndarjes. Aktualisht, rreth 80 për qind e energjisë elektrike që hidhet në rrjetin shpërndares sigurohet nga importi, pasi niveli i ujit në Fierzë ka zbritur në kuotën më të ulët të shfrytëzimit dhe po prodhon me kapacitet minimal. Edhe për muajin shtator situata parashikohet e njëjtë dhe importi do të vijoje në sasi të mëdha./a.m.
