Policia e Tiranës ka referuar materialet në prokurori për një 49-vjeçar, i cili i ka dërguar gruas së tij letër kërcënuese nga burgu.
Bëhet fjalë për shtetasin Tom N., banues në Mirditë. Ky person aktualisht ndodhet në burg, ndërsa në mënyrë të përsëritur i ka dërguar letra bashkëshortes së tij, 42-vjeçares T.N. Kjo e fundit, e cila banon në Tiranë, e ndodhur përballë këtyre kërcënimeve është paraqitur në polici dhe ka bërë denoncim ndaj bashkëshortit të saj.
Menjëherë pas këtij denoncimi, policia ia referoi materialet prokurorisë, ndërsa tashmë kanë nisur hetimet për rastin në fjalë.
BW/d.i.
