Në vitin 2015 ka pasur një rritje prej 2.6 % të procedimeve penale për krime në fushën e doganës, krahasuar me një vit më parë. Sipas raportimit në Kuvend të Prokurorisë së Përgjithshme, bëhet e ditur se vihet re një rritje e numrit së të pandehurve të regjistruar përkundrejt totalit në vitin 2014 prej 37 %. Shifrat sugjerojnë se numri i të pandehurve të cilët i janë dërguar gjyqit është rritur me 65,5 %, ndërsa numri i të pandehurve të dënuar nga gjykata është dyfishuar krahasuar me vitin 2014.
Vepra penale që kryeson është ajo e Kontrabandës me mallra që paguhet akcizë. Pesha specifike që zë kjo vepër penale në vitin 2015 në grupin e krimeve në fushën e doganave është 24,5 % ndërsa për vitin 2014 ky tregues ka qenë 26 %. Vepra penale kontrabandë me mallra të tjera ka mbetur në të njëjtat nivele si në 2014, me 31 % . Ndërsa vepra “Kontrabanda me mallra me regjim të ndërmjetëm” ka pësuar një rritje të lartë në 2015, duke arritur në shifrat e 9 %, 0,9 % në 2014.
Në grupin e krimeve në fushën e doganave vihet re tendenca në ulje prej 37 % në vitin 2015 e procedimeve të regjistruara për veprën penale të parashikuar nga neni 178 i Kodit Penal “Tregtimi dhe transportimi i mallrave që janë kontrabandë”, ku kjo vepër ka një peshë prej 17,6 % në këtë grup ndërsa në vitin 2014 ka pasur një peshë prej 28,6 %.Monitor
Javanews/a.k
