Mesfushori i Kombëtares shqiptare, Amir Abrashi është lënduar dhe nuk do të luajë në dy ndeshjet e ardhshme kualifikuese ndaj Spanjës dhe Italisë.
Futbollisti i Freiburgut, Amir Abrashi ka këputur ligamentin në ndeshjen e fundit ndaj Bayer Leverkusen dhe pritet të mungojë për një kohë të gjatë.
Abrashi që ishte aktivizuar vetëm dy ndeshje këtë sezon në Bundesliga, pritej të ishte në formacionin titullar edhe këtë të mërkurë ndaj Hanoverit. Por, shkaku i këtij lëndimi ai nuk mund të luajë dhe pritet të mungojë për disa muaj.
Ky lëndim pritet t’i shkaktoj problem edhe trajnerit të Shqipërisë, Christian Panucci, i cili nuk mund të llogarit në shërbimet e tij për dy ndeshjet e fundit të fazës kualifikuese për Kupën e Botës ndaj Spanjës dhe Italisë.Ndeshja me Spanjën do të zhvillohet me 6 tetor, ndërsa me Italinë më 9 tetor, përgatiti ”Express”. (b.an)
