Deputeti Vladimir Kosta ka deklaruar sot votën e tij pro Reformës në Drejtësi. Në një postim në Facebook, Kosta shkruan se pas votimit të Reformës në Kuvend do të bëjë sqarimet e mëtejshme.
“Duke marrë shkak nga shpifjet dhe spekulimet mediatike, të bëra pas deklaratës time të djeshme, dëshiroj të bëj me dije se:
“Si patriot dhe socialist, deklaroj votën time pro Reformës së Drejtësisë, siç rekomandohet nga SHBA dhe BE. Prandaj sqarimet e mia të mëtejshme do t’i bëj publike vetëm pas 21 korrik 2016, pra pasi të votohet në Kuvend Reforma e Drejtësisë.” Faleminderit”, shkruan deputeti Kosta në faqen e tij në Facebook.
Një ditë më parë, në një letër të hapur drejtuar kryeministrit Rama, ai tha se do të largohej nga Partia Socialiste.
