Pandemia e koronavirusit po vazhdon përhapjen nëpër Evropë dhe Shtetet e Bashkuar, duke shënuar rritje të madhe të rasteve të reja dhe vdekjeve.
Organizata Botërore e Shëndetësisë paralajmëroi këtë javë për një rritje të infeksioneve që kërcënon sistemet shëndetësore të shteteve.
Mesatarja e infeksioneve të reja në Shtetet e Bashkuara ka shkuar në gati 70,000, duke tejkaluar këtë fundjavë kulmin e rasteve që ishin në korrik.
Numri i vdekjeve pritet të rritet deri në 700 në ditë. SHBA-ja është vendi më i prekur në botë nga koronavirusi, me mbi 8.2 milionë njerëz të infektuar.
Në Evropë, një valë e dytë e virusit po zhvillohet. Vendet po përpiqen të kontrollojnë përhapjen përmes një sërë masash të reja, duke shpresuar të shmangin një lloj bllokimi të ekonomisë së shkatërruar nga pranvera.
Spanja, ku autoritetet thonë se infeksionet totale kanë të ngjarë të trefishojnë shifrën zyrtare prej një milion, duket se po shkon drejt vendosjes së një “gjendje alarmi”.REL
/e.rr
