Në kushte tejet të rënda higjienike, në pellgje gjaku ku kundërmon gjithçka, edhe këtë festë janë therur kurbanët, si ritual i Festës së Kurban Bajramit. M
Sipas raportimeve te medias këtë të martë ka qenë i stërmbushur tregu i kafshëve në Prishtinë. Menjëherë pas faljes së Namazit, ashtu siç e do tradita në këtë besim, shumë besimtarë pas faljes ia kishin mësyrë tregut, raporton KTV.
Flasin më shumë për çmimet që edhe këtë vit, sipas tyre, janë të arsyeshme.
Mirëpo, tregtarët ankohen. Thonë se përveç rënies së çmimit, ka rënë edhe shitja e deshve.
Kushtet në të cilat këtë të martë u flijuan shumë kafshë i kanë shtyrë disa prej blerësve që ta rishqyrtojnë vendimin për të blerë një kurban.
Inspektoratet si gjithnjë pushojnë në festa dhe askush prej tyre, qoftë ata sanitarë, qoftë inspektorët e tregut, nuk janë shfaqur në këto anë.
Rituali i Festës së Kurban Bajramit fillon me faljen e namazit të Bajramit herët në xhami, pastaj vazhdon me prerjen e kurbanit, duke përfunduar me vizitat tek të afërmit, fqinjët, shokët dhe miqtë, përgatiti Koha.
