Nis shembja e objekteve në Himarë në kuadër të fazës së dytë të rivitalizimit i planifikimit urban të qendrës së Himarës Himarë. Aksioni i IKMT ka nisur me tension, pasi banorët kundërshtojnë projektin, çka ka sjellë përplasjen e tyre me policinë.
Deri më tani janë shembur 8 objekte, ndërkohë policia ka blinduar zonën.
Janë rreth 80 banesa të vjetra të cilat pritet të shemben nga realizimi i këtij projekti. IKMT paralajmëroi banorët e Himarës në datën dy javë më parë se kanë 5 ditë kohë për të liruar banesat, pasi më pas do niste operacioni për shembjen e tyre.
Vetë banorët e Himarës kanë kundërshtuar projektin duke e cilësuar atë si gjenocid, pasi sipas tyre nuk parashikohet dëmshpërblimi sipas ligjit, ndërsa një problem tjetër i ngritur ka qenë edhe mungesa e certifikatave të pronësisë për disa nga banesat e vjetra. Banorët refuzuan pak ditë më parë negociatat me ministrin Gjiknuri.
Kujtojmë që plani për shembjen e këtyre banesave në Himarë ka sjellë edhe reagimin e Athinës Zyrtare, të cilët kanë kushtëzuar ecurinë e Shqipërisë drejt BE me respektimin e të drejtave të pakicës greke.
a.ç
