Miliarderi Saudit, Princi Alwaleed bin Talal ka deklaruar se do të japë 32 miliardë dollarë nga pasuria e tij për bamirësi, për të ndërtuar një botë më të mirë të tolerancës, pranimit, barazisë dhe mundësisë për të gjithë. Princi, që është dhe i renditur si personi i 34-t më i pasur në botë nga forbes u shpreh se dëshironte të kontribuonte në eleminimin e varfërisë dhe urisë, në mbështetjen e zhvillimit të shëndetësisë dhe edukimit në komunitetet më të privuara.
Këto para, për të cilat Princi shprehet se janë e gjithë pasuria e tij, do të shkojnë në organizatën bamirëse të tij, të cilës ai i ka dhënë më pare 3.5 miliardë dollar.
Princi u shpreh se bamirësia ishtë një “pjesë e brendshme” e besimit të tij islam dhe se pasuria e tij i është dhuruar nga Zoti dhe duke qënë në këtë komb të madh (Arabia Saudite). Ai shtoi se paratë do të shkojnë gjithashtu për kauza ndërkombëtare, dhe se Arabia Saudite dhe Lindja e Mesme ishin prioriteti i tij.
Bamirësitë e tij kanë krijuar partneritet së fundmi me institucione globale bamirësie, duke përfshire dhe Fondacionin Bill dhe Melinda Gates. Bill Gates përshkroi premtimin e princit si një frymëzim për të gjithë fondacionet bamirëse në botë. Princi është një biznesmen dhe investitor i njohur. Kompania e tij ka bërë investime duke filluar nga hotelet luksoze ku përfshihet “Four Seasons Savoy Hotel” në Londër, e deri në
media si, “News Corp” dhe “Time Warner”.
