Familjes mbretërore të Jordanisë i janë shtuar dy anëtarë të rinj. Princesha Iman, vajza e madhe e Mbretit Abdullah II dhe Mbretëreshës Rania, ka sjellë në jetë dy vajza binjake.
Lajmi u njoftua të premten, më 14 gusht, nga Oborri Mbretëror Hashemit, i cili përcolli urimet për çiftin me rastin e lindjes së fëmijëve.
Në deklaratë, Oborri Mbretëror Hashemit i drejtoi urimet më të përzemërta Princeshës Iman, bashkëshortit të saj, si dhe prindërve të saj, Madhërisë së Tij Mbretit Abdullah II dhe Madhërisë së Saj Mbretëreshës Rania.
Princesha Iman është e martuar me Jamil Alexandros Thermiotis, i cili ka origjinë greke. Martesa e tyre u zhvillua në mars të vitit 2023, në Pallatin Beit Al Urdun në Aman.
Çifti u bë prindër për herë të parë në shkurt të vitit 2025, kur lindi vajza e tyre, Amina.
Iman është fëmija i dytë mes katër pasardhësve të Mbretit Abdullah II dhe Mbretëreshës Rania. Ajo ka vëllain e madh, Princin e Kurorës Hussein, motrën, Princeshë Salma, dhe vëllain më të vogël, Princin Hashem.
Pas lindjes së binjakeve, familja e Princeshës Iman dhe Jamil Thermiotis përbëhet tashmë nga pesë anëtarë.
