Muzikanti amerikan Prince, i cili vdiq të enjten në Mineapolis, është kremuar pas një ceremonie private, ku ishin të afërmit e tij, miqtë dhe disa prej muzikantëve, deklaroi bashkëpunëtorja e Prince. Yvette Noel-Shur njoftoi se anëtarët e familjes dhe miqtë e yllit 57-vjeçar u mblodhën për një “ceremoni private, të bukur” për ta kujtuar atë.
Nuk është specifikuar, ku është bërë ceremonia, por disa muzikantë u panë në hyrjen e fermës të Prince në Minneapolis, Paisley Park. Gazetaret kanë parë po ashtu edhe të motrën e Prince, Tajka Nelson dhe burrin e saj Philip Morris, sesi drejtonin automjetet e shërbimit të catering.
Qindra adhurues u mblodhën jashtë pronës atje ku gardhi i sigurisë ishte i mbuluar me panele të purpurt, me nënshkrimet e Prince. Muzikanti ka jetuar dhe ka regjistruar ketu muzikën e tij, citohet BETA.
Prince, të enjten, eshte gjetur i vdekur në ashensorin e shtëpisë së tij. Mjekët s’ishin në gjendje ta kthenin në jetë. Autopsia u bë të premten, por autoritetet nuk kanë bërë të ditur shkakun e vdekjes të shtetit që do të duan disa javë për t’u analizuar.
