Një nga kandidatët e primareve të Partisë Demokratike për bashkinë e Tiranës, mjeku Ilir Alimehmeti ftoi simpatizantët dhe anëtarët e PD që të marrin pjesë masivisht në këto votime, për të zgjedhur të ardhmen e tyre.
Alimehmeti vlerësoi fushatën e zhvilluar nga kandidatët për bashkinë e Tiranës duke thënë se nuk ka pasur asnjë pakënaqësi në lidhje me organizimin, ndërkohë që u shpreh se ka pasur në dizpozicion nga partia gjithçka që nevojitej për këtë proces.
“Sovraniteti largohet nga forumet dhe kryetari i partisë sot keni të drejtën ju të votoni për më të mirën tuaj. Ju ftoj të gjithëve të vini e të votoni për të ardhmen tuaj. Votime si këto nuk janë bërë më parë. Të gjithë kandidatët kanë pasur listën e votuesve. Të gjitha janë të dhënat. Patjetër që jo të gjithë vijnë për të votuar. Fushata ka qenë pozitive. Nuk ka pasur incidentet, vetëm situata të vogla që zgjidhen”, tha Alimehmeti.
/s.f
