Deputetja e Partisë Demokratike, Dhurata Çupi, deklaroi në emisionin “Ngjarja Kryesore” në RTSH 1, drejtuar nga Sonila Agostini, se statuti i partisë përcakton primaret dhe ky është një proces i pranuar nga të gjithë demokratët dhe nuk ka tensione.
“Partia Demokratike ka një statut, funksionon në bazuar në këtë statut. Është një vlerë e shtuar dhe është e paracaktuar qartë se kandidatët për deputet apo për zgjedhjet lokale do të duhet të kalojnë vetëm nëpërmjet primareve. Pra kjo do të thotë “Një anëtar një votë” ashtu sikurse ka kaluar nëpërmjet primareve dhe vete kryetari i PD-së, z. Berisha,”-u shpreh ajo
Sipas saj, këto janë dispozita statutore që do duhet të respektohen, përpos ndryshimeve që mund të vendos Këshilli Kombëtar.
“Fakti që Këshilli Kombëtar i qëndroi besnik asaj që ishte miratuar në statut, që do duhet që të ketë primare, është një vendim që do duhet të respektohet. Demokratët e kanë pranuar, demokratët kanë një frymë bashkimi dhe dakordësie për të zgjedhur kandidatura më të mira në zgjedhjet e 11 majit”- shtoi ndër të tjera Çupi.
