Samsung ka zgjeruar portofolin e saj të produkteve me krijimin e telefonit inteligjent Galaxy J3 (2016). Ky telefon inteligjent kushton vetëm 135 dollarë dhe do të shitet ekskluzivisht tek dyqani në internet Snapdeal.
Ky telefon ofron veçorinë e re të quajtur “S bike mode”, që do të ndalojë të gjitha shqetësimet në telefon ndërkohë që përdoruesi është duke ecur me biçikletë. Kjo veçori do të shënojë gjithashtu disa kontakte si kryesore, kështu ata mund të njoftohen kur jeni duke udhëtuar.
Sa i përket specifikave, Samsung Galaxy J3 (2016) përmban ekran 5 inç HD me rezolucion 1,280×720 pikselë. Pajisja fuqizohet nga procesori Qualcomm Snapdragon 410 me katër bërthama me shpejtësi 1.5GHz, së bashku me 1.5GB RAM dhe 8GB memorie, e cila mund të zgjerohet deri në 128GB nëpërmjet kartës microSD.
Telefoni inteligjent vjen me dy vende për karta SIM dhe operon me sistemin Android 5.1 Lollipop. Ai është i pajisur me kamerë të pasme 8 megapikselë me blicin LED dhe kamerë për selfie 5 megapikselë.
Galaxy J3 ka gjithashtu bateri me kapacitet 2,600 mAh dhe ofron opsionet e lidhjes 4G, LTE, 3G dhe Wi-Fi. / krokodili.al
