Task-Forca “Roja e Gjelbër”, e Fierit me qëllim parandalimin e abuzimit me pyjet dhe lëndët drusore, ka planifikuar dhe organizuar shërbime policore në të gjithë territorin, për evidentimin dhe kapjen në flagrancë të personave dhe subjekteve juridike me këtë tendencë kriminale dhe procedimin e tyre sipas ligjit.
Në këtë kuadër, Specialistët e Sektorit për Krimin Ekonomik, arrestuan në flagrancë shtetasin: Myrteza Myftari, 54 vjeç, banues në fshatin Mbreshtan, Berat.
Arrestimi i këtij shtetasi u bë pasi në vendin e quajtur “Pushimi i shoferit’” u kap dhe u bllokua automjeti tip “Benz” kamion, me targa AA 720 HO, ku kishte të ngarkuar 9.7m3 dru të prerë pa faturë shoqërimi malli. Materialet i kaluan Prokurorisë pranë Gjykatës Fier për veprat penale “Fshehja e të ardhurave” dhe “Prerja e paligjshme e pyjeve”.
