Evropianët presin propozime konkrete nga homologët britanikë, që ndodhen sot në Bruksel për një seancë të katërt negociatash për Brexit, me qëllim që toni konstruktiv i miratuar nga Theresa May të mund të zhbllokojë realisht përpjekjet.
Koha po kalon për të dyja palët që po përpiqen të zgjidhin sa më shprejt tre çështjet prioritare, garancinë për të drejtat e qytetarëve të prekur drejtpërdrejt nga largimi i Britanisë së Madhe nga BE, bilanci i llogarive dhe çështja irlandeze.
Me hapjen e negociatave, objektivi ishte përfundimi i fazës së parë në vjeshtë për të kaluar në diskutime mbi marrëdhënien e ardhshme mes BE-së dhe Britanisë së Madhe, por shpresat për të respektuar këtë afat duken të pakta.
“Ka pasur progrese, por ne duhet të avancojmë tashmë. Koha kalon”, nënvizoi sot ministri estinez, Matti Maasikas, vendi i të cilit mban presidencën e radhës të Bashkimit Evropian./a.m.
