Penalltia më e veçantë e vitit. Të tillë e cilëson 11-metërshin e dytë të ndeshjes Shqipëri-Izrael e përditshmja spanjolle “Marca” që vë ne dukje se në minutën e 53-të ndeshja mori përmasa surreale pas konfliktit në zonë mes Berishës dhe Zahavit dhe arbitri nuk u mendua dy herë për të nxjerrë nga loja portierin shqiptar dhe për të akorduar një penallti.
Në vijim, gazeta më e madhe spanjolle nënvizon momentin e pritjes së Alban Hoxhës dhe e përfundon shkrimin se kjo ishte një ndeshje e çmendur. “Izrael imund Shqipërinë dhe qëndron në lojë”, shkruan “AS” që nuk e llogarit Shqipërinë në betejën me Spanjën dhe Italinë për vendin e parë, por nënvizon se do të jetë Izraeli, skuadra që do të kërkojë surprizën në Grupin G.
Ndërkohë, mediat italiane mjaftohen me raportime rutinë duke vënë theksin kryesisht te trajneri Gianni De Biasi. “Corriere Dello Sport” shkruan se Berisha u provokua nga Zahavi duke e lënë skuadrën me 9 lojtarë.
“Zahavi u hipnotizua nga Hoxha por tradhëton De Biasin në minutën e 66 me një dalje jo të saktë që i lejoi Eibinder të shënonte golin e dytë”, shkruan e përditshmja tjetër, “Gazzetta Dello Sport”.
Në Izrael, vazhdojnë t’i kushtojnë një hapësirë të madhe çështjeve të sigurisë. Gazeta më e madhe në vend “Haaretz” shruan: “Pavarësisht kërcënimit terrorist të ISIS, Kombëtarja e Izraelit mund Shqipërinë në një ndeshje nën masa të rrepta sigurie”.
Në fund të shkrimit, Haaretz thekson se kjo ishte fitorja më substanciale e Izraeit jashtë shtëpisë që prej suksesit të vitit 1993 në Francë. Të njjtën linjë ndjek edhe Jerusalem Post” që thekson se Izraeli arriti të fitonte në një ndeshje që u papari nga kërcënimet terroriste. Kjo e përditshme e cilëson suksesin e bardhebluve në Shqipëri si historik pasi 3 pikët u siguruan ndaj një rivali direkt në Grupin G./supersport/a.k
