Juristja Brizid Gjikondi thotë se në rast se Fredi Beleri nuk respekton lejen pesëditore të dhënë nga Drejtoria e Burgjeve dhe nuk kthehet në Shqipëri, atëherë duhet të ketë reagim dinjitoz nga shteti shqiptar.
“Atyre iu intereson të kenë martir në Shqipëri. Nuk do çuditesha që grekët ta mbanin dhe mos ta kthenin. Skenarët e tyre mund të kenë shumë seri, mund të ketë strehim në Athinën greke. Persekutimin e tij e quan me dashje dhe politik.
Nuk di çuditesha edhe nga deklarata që dha sot, kam përshtypjen që ka lënë hapësirë për mos kthimin e tij në burgun shqiptar. Për tragjedinë e Peshkëpisë, dhe djegien e flamurit kombëtar, ai ka gjetur strehë në shtetin grek dhe nuk do çuditesha të gjente strehë për herë të tretë.
Do ishte në standardin e shtetit shqiptar, që në rast se ai nuk kthehet në qeli, të kishim reagim dinjitoz dhe ta përdornim në favorin tonë këtë gjë. Mendoj që në rast se ai e bën këtë gjë, të shfrytëzohet në favor të shtetit tonë”, theksoi ajo në një intervistë për “Tirana Live” në ABC News.