Presidentja e Kroacisë, Kolinda Grabar-Kitaroviç ka mbajtur një fjalim në parlamentin e Shqipërisë
Kitaroviç deklaroi se Shqipëria ka qenë mike e Kroacisë kur miqtë ishin të paktë. Kitaroviç tha se Kroacia nuk do e harrojë kurrë atë që kanë bërë shqiptarët për vendin e saj
“Shumë shqiptarë luftuan për Kroacinë dhe sakrifikuan jetën. Më besoni, Kroacia nuk harron. Ju ishit miqtë tanë, kur miqtë i kishim të pakët. Gjatë luftës për pavarësi. Kroacia është shembull i bashkëjetësës. Shqiptarët në Kroaci janë krenarë dhe shqiptarë patriotë. Shumë shqiptarë sakrifikuan jetën për Kroacinë. Shqiptarët janë qytetarët shumë të nderuar në Kroaci”, deklaroi Kitaroviç
Kitaroviç deklaroi edhe mbështetjen e Kroacisë për Shqipërinë në rrugën e integrimit drejt BE
Presidentja Kolinda Grabar-Kitaroviç tha se “Kroacia e mbështet fuqishëm rrugën e Shqipërisë drejt integrimit në BE dhe mirëpret të gjithë progresin e dukshëm që është bërë nga Shqipëria për përmbushjen e kritereve drejt BE.”
Kitaroviç bëri thirrje për bashkim kombëtar për çështjet strategjike.
“Për këtë qëllim është mjaft e rëndësishme të sigurohet një bashkim kombëtar për çështjet strategjike me qëllim që të ruhet motivimi për reformat.”
Kitaroviç tha se Kroacia do të punojë për një tjetër samit BE-Ballkani Perëndimor dhe do të ndihmojë Shqipërinë duke ofruar përvojën e saj.
““Kroacia e përkushton të gjithë vëmendjen e saj drejt zgjerimit të BE-së dhe këto do të jenë pjesë e prioriteteve të presidencës sonë dhe do të bëjmë përpjekje të mëdha për të organizuar një tjetër samit mes Europës dhe Ballkanit Perëndimor. Kroacia do të vazhdojë të mbështesë procesin e Integrimit të Shqipërisë në BE duke i ofruar asaj përvojën e saj dhe duke mbështetur ngritjen e institucioneve.””, tha presidentja kroate
Javanews/a.ç
