Presidentja e Kroacisë, Kolinda Grabar Kitaroviq, është kapur duke kryer një gjest që për votuesit e zakonshëm nuk është e lejueshme.
Ajo ka përdorur telefonin e saj celular derisa ka qenë duket votuar në zgjedhjet parlamentare që janë mbajtur të dielën në Kroaci. E deri sa ka votuar ajo ka përdorur edhe telefonin e saj me të cilin e ka fotografuar fletëvotimin.
Me të përfunduar votimin e së dielës, presidentja Grabar Kitaroviq deklaroi para kroatëve se “duhet të jemi serioz në votime”.
Komisioni Qendror i Zgjedhjeve ua ka përkujtuar të gjithë votuesve në Kroaci se është e ndaluar të përdorin telefonat celular, duke qenë një gjë e tillë në kundërshtim me rregullat e votimit, raporton N1, përcjell Koha.net.
Partia të cilës i takonte Grabar Kitaroviq, HDZ, sipas Exit Pollit në Kroaci, doli e dyta duke fituar 57 ulëse në Parlamentin e Kroacisë.
Bazuar në Exit Poll-in (sondazhin me votues pasi që kanë dalë nga qendrat e votimit) e organizuar nga televizioni shtetëror del se Socialdemoratët kanë fituar 58 nga 151 ulëse në Parlamentin kroat.
Përderisa qendra e djathtë “Most” (Ura), që shihet si potencial vendimtar, ka arritur të marrë 11 ulëse. (b.an)
