Ndërkohë që Presidenti Ilir Meta ka heshtur pas kërcënimit të tij se mund ta dorëzojë mandatin, zërat në media për një emër të ri sa vijnë dhe shtohen.
Më herët, juristë të njohur kanë dhënë edhe interpretimin se çfarë mund të ndodhë në rast të një dorëheqje të Kreut të Shtetit, ku procedura është fare e thjeshtë: Gjetja e një emri të ri dhe votimi në Kuvend pa asnjë shqetësim.
Ndërkohë që emri i Jozefina Topallit është lakuar orët e fundit si një zgjidhje e shpejtë dhe e balancuar politikisht.
Kjo për faktin sepse ish-kryeparlamentarja qëndron jashtë skenës politike prej disa kohësh, por nga ana tjetër është përfaqësuese e së djathtës në Shqipëri.
Por zgjedhja e saj si kreu i ardhshëm i Shtetit është e mundur vetëm nëse Meta e çon deri në fund kërcënimin e tij dhe i bashkohet opozitës në ‘lojën’ e djegies së mandateve.
Kujtojmë se Topalli ka qenë numri dy i Partisë Demokratike duke qëndruar pranë Berishës në ditët më të vështira për të.
/A.Rada
