Presidenti i zgjedhur Ilir Meta ka vijuar fushatën elektorale dhe sulmet ndaj kryeministrit Rama. Me një gjuhë të ashpër, gjatë një takimi elektoral në Kavajë, ish-kryetari i LSI i ka sulmuar ashpër Ramën. Meta hodhi akuza të forta ndaj kryeministrit me të cilin bashkëqeverisi për 4 vjet. Kryetari i Kuvendit në detyrë tha se vettingu do të nisë me Ramën. Meta tha se Rama mbushi Shqipërinë me drogë dhe se futi kriminelë në parlament.
“Më 25 qershor Kavaja do të fillojë vettingun. Kavaja do bëjë vettingun ndaj atyre që u mësuan ti dhunojnë dhe shtypin qytetarët e Kavajës. Vettingu në radhë të parë do nisë me kryefaqeziun. Në radhë të parë vettingu do jetë për atë që mbuloi Shqipërinë me drogë, që ka frikë nga zgjedhjet e lira, nga transparenca dhe që nuk ka lidhje as me të majtën as me të djathtën, por me tepsinë dhe kusinë. Vettingu do nisë për atë që nuk la kriminel pa futur në kuvend dhe që thërret policinë të kërkojë vota për Rilindjen. Numërimi mbrapsht ka filluar. Edhe 5 ditë për t’u ndarë nga oligarkët”, tha Meta./javanews.al/a.c
