Pas shpalljes në kërkim të nënkryetarit të Listës Serbe, Milan Radojiçiç, në lidhje me vrasjen e Oliver Ivanoviç, vjen reagimi nga presidenti serb, Aleksandar Vuçiç. Ky i fundit ka mohuar kategorikisht faktin se pas kësaj ngjarje mund të fshihet Radojiçiç. Presidenti serb tha se Serbia ka shumë njohuri për vrasjen e Ivanoviçit.
“Sot në Beograd është marrë në pyetje Milan Radojiçiç, personi që ditën e dytë (të vrasjes së Ivanoviqit) është akuzuar nga të gjithë politikanët dhe mediat, ku disa kanë konstatuar se ai ishte ‘vrasësi i sigurt’. Kemi kërkuar gëzhojat për të përcaktuar nëse është bërë nga një armë automatike nga ndonjë vend fqinj e vitit 1992. Nuk na i kanë dhënë kurrë. Nëse edhe pesë ditë më vonë do të na i jepnin do të mund të bënim diçka. Nuk na i dhanë kurrë. Ata tashmë deshën ta vrasin (Radojiçiqin). Pse e thashë këtë? E para, është shantazhuar një tjetër njeri, një anëtar i klanit të drogës i arrestuar në Kosovë sipas flet-arrestit të Malit të Zi, që të mund ta akuzojnë Beogradin. Meqë ai nuk mund ta thoshte këtë, ata erdhën këtu”, -tha Vuçiç.
Mes të tjerash ai tha se shqiptarët janë të gatshëm që ta paguajnë me çdo çmim përmbylljen e shtetësisë së Kosovës.
“Dhe, a jemi ne? Unë ju pyes se çfarë do të bëjmë, nëse vjen te ndonjë konflikt? Kjo është arsyeja pse tërë kohën kamë folur se duhet të gjejmë një zgjidhje kompromisi. E doja një vend më të fortë, jo një vend ku ne mund të kërkojmë vetëm formalisht pavarësinë. Ata duhej të reagonin në 10 për qind (taksën doganore ndaj mallrave serbe), por nuk reaguan. A është zgjidhje të themi se për këtë arsye nuk duam të hyjmë në BE? Nuk është. Shqiptarët kanë gjithë mbështetjen e tyre. Ata po sillen sipas dëshirës së tyre, sot shpallin krijimin e ‘Shqipërisë së madhe’”. Nuk është zgjidhje që unë tashmë të paralajmëroj krijimin e ‘Serbisë së Madhe”. Kjo nuk është mençuri. Duhet të jemi të kujdesshëm dhe të përgjegjshëm dhe të punojnë në përmirësimin e ekonomisë dhe të gjitha sferave të tjera”, tha Vuçiç.
ma.me
