Presidenti i Kosovës, Hashim Thaçi ka folur për takimet që kishte sot me tre liderët e partive më të mëdha në vend.
Për takimin me kreun e VV-së, Thaçi ka thënë se ishte i karakterit procedurial dhe juridik, gjersa me liderët tjerë tha se kishte diskutuar edhe për situatën politike në vend dhe atë me COVID-19.
I pyetur për hapat që do të ndërmarrë, Thaçi ka thënë se qëndrimin e tij do ta sot pasdite, pasi të takohet edhe me kreun e AAK-së, Ramush Haradinaj dhe përfaqësuesit e Listës Serbe.
Presidenti Thaçi ka thënë se cilido të që jetë qëndrimi i tij ai do të veprojë në përputhshmëri të plotë me Kushteturën e Kosovës.
“Janë dy mundësi, një që të shkohet në zgjedhje dhe tjetra është mundësia që unë e kam për obligim si president i vendit që të shmangen zgjedhjet në këto rrethana pandemie për krijimin e qeverisë së re. Mundësinë e parë e ka partia e parë e pastaj të shohim. Pas mocionit më 25 mars vendi është në një gjendje të re politike dhe natyrisht në kuptimin procedural kushtetues të ri sa i përket themelimit të institucioneve. Ne kemi një qeveri të shkarkuar, në ikje apo largim. Për hapat vijues si presidenti i vendit do ta respektoj në tërësi Kushtetutën. Takimi i parë me Kurtin është i karakterit procedural dhe juridik i presidentit me kryetarin e partisë së parë që të dëgjoj opinionin e tij se a mund të krijojë ajo parti shumicën apo jo. Ky takim ka pasë karakter procedural dhe juridik., Nuk jam nga ata që bisedat që zhvillohen brenda ti prezantoj në studio televizive. Unë jam i obliguar të respektoj vullnetin e të gjithë njerëzve të Kosovës, dhe jo vetëm të një partie. U mbetet atyre që e kanë shumicën ta dëshmojnë këtë, por nëse nuk ndodhë kjo do të lëvizim në përputhje me praktikat”, është shprehur Thaçi. /e.s/
