Presidenti aktual i Serbisë, Tomislav Nikoliç, është duke ndërtuar një kishë, në të cilën ai ka shfaqur dëshirë të varroset kur të vdes.
Objekti i ri fetar, po bëhet në Bajçetinë të Shumadisë, prej nga vjen edhe ish-radikali.
Ky veprim i tillë është parë si ide e pa stil dhe si përpjekje e kryetarit për t’u mbajtur mend si njeri i popullit dhe respektues i traditës, apo edhe si shenjtor, raporton “Kurir”.
“Kjo është dicka alla Tomislav Nikoliç dhe imazhit të tij si njeri popullor nga Shumadia”, ka thënë Branko Radun, analist politik.
“Ky është një akt simbolik me porosi të qartë – është njeri i popullit, që respekton traditën dhe që dëshiron të kujtohet ngjashëm me udhëheqësit e sundimtarët serbë të kohëve e shekujve të kaluar”.
Megjithatë, ndërtimi i kishës dhe vendvarrimit të tij, brenda saj, po shihet si e keqja më e vogël në aspektin financiar, duke patur paraqysh që tjerët shpenzojnë para të majme për gjëra tjera.
