Rama thotë se opozita ka humbur shansin e artë të jetë pjesë e tryezës për të bërë detyrën ndaj atdheut dhe kjo e ka çuar të bëjë shfaqje.
Sipas kryeministrit opozita flet për lloj- lloj broçkullash si korrupsion me tendera, dosje në prokurori, çuarje prapa hekurave.
”Mirënjohja për opozitën? Mendoj që ka humbur deri tani një mundësi të artë për të bërë detyrën karshi atdheut dhe për të ngritur stekën e nivelit të vet. është e vetma opozitë nga të gjitha ato që kam ndjekur, pasi ndjek shumë shtete menjëherë se çfarë bëjnë qeveritë dhe opozitat. Kjo është e vetmja opozitë ku që flet për çuarje prapa hekurave, për dosje në prokurori, korrupsion me tendera, lloj- lloj broçkulash. Sepse i është dhënë mundësia që përpara se të bëjë këto shfaqje të bëjë diçka tjetër, të marrë informacion dhe për të qenë pjesë e një tryeze. Opozita nuk i është përgjigjur sfidës së madhe. Por së paku Presidenti po bën gjënë e duhur.”- tha Rama.
