Tifozët e Inter e kanë pritur me padurim vizitën e Barcelona-s në San Siro. Madje edhe presidenti, biznesmeni kinez Steven Zhang, i cili nuk e ka humbur mundësinë për të bërë një foto me Lionel Messi dhe Luis Suarez.
Zhang bëri një foto me të dy yjet e Barça-s dhe e ka hedhur imazhin në Instagram.
Messi qëndroi në tribunë gjatë ndeshjes, ndërsa Suarez ishte titullar por nuk arriti të shënonte gol ndaj Inter.
Sulmuesi uruguaian nuk e ka shënuar akoma golin e parë të këtij sezoni në Champions League. Ai bëri çmos që të ndëshkonte Inter, por nuk ia doli.
Në fund ishte Malcom ai që zhbllokoi rezultatin për katalanasit, por Icardi barazoi gjithçka pak minuta më pas.
