Presidenti i Republikës së Italisë Sergio Mattarella, nuk e ka pranuar dorëheqjen e Kryeministrit Mario Draghi të shpallur në Këshillin e Ministrave.
Ky vendim erdhi pasi Mario Draghi dha dorëheqjen nga posti i Kryeministrit të Italisë. Lajmi është zyrtarizuar nga vetë Draghi, për shkak se nuk ka mbështetjen e partisë ‘5 Yjet’ të Giuseppe Conte, aleatit qeverisës.
“Votat e sotme në Parlament janë një fakt shumë domethënës nga pikëpamja politike. Shumica e unitetit kombëtar që e ka mbështetur këtë qeveri që nga krijimi i saj është zhdukur. Edhe kushtet për realizimin e programit nuk ekzistojnë më. Sonte do t’i dorëzoj dorëheqjen Presidentit të Republikës. Pakti i besimit që qëndron në themel të qeverisë ka dështuar”, deklaroi Kryeministrit Draghi.
Ish-kreu i Bankës Qëndrore Europiane udhëhoqi një qeveri uniteti që nga Shkurti i vitit 2021.
/a.r
