Në prag të një konflikti të mundshëm me Rusinë, presidenti i Ukrainës ka gjetur hapësirë për t’i drejtuar një mesazh homologut të tij shqiptar.
Volodimir Zelensky shprehet në Twitter se vendi i tij e vlerëson solidaritetin e Shqipërisë.
“I jam mirënjohës presidentit të Shqipërisë Ilir Meta për fjalët e tij në mbështetje të Ditës së Bashkimit. Ne e vlerësojmë solidaritetin e Shqipërisë, miqve dhe partnerëve të tjerë me Ukrainën për hir të një të ardhmeje të përbashkët evropiane. Së bashku ne e bëjmë Ukrainën më të fortë” – thotë Zelensky.
Më herët Ilir Meta shkruante:
Shumë frymëzuese dita e sotme në Ukrainë – shembull i unitetit kombëtar dhe vendosmërisë së këtij vendi mik.
Shqipëria dhe komuniteti ndërkombëtar qëndrojnë në krah të Ukrainës, në mbështetje të integritetit të saj territorial dhe të së drejtës së popullit të saj për të zgjedhur aleancat dhe të ardhmen e tyre.
/a.r
