Presidenti i ri/ Opozita propozon zyrtarisht emrin e parë si kandidat: Kemi menduar Dash Shehin, është i duhuri

Kreu i Partisë Republikane Fatmir Mediu, ka komentuar ditën e sotme në një emision televiziv për zgjedhjen e Presidentit të ri.

Mediu në cilësinë e kreut të Aleancës për Ndryshim ka zbuluar emrin e parë që propozon opozita për Presidentin e ri të Republikës së Shqipërisë.

Fatmir Mediu tha se ka diskutuar me kreun e PAA Agron Duka, ku kanë shprehur emrin e Dashamir Shehit si personin e duhur për të ardhur në krye të shtetit.

“Racionalja do kërkonte një kandidat të përbashkët. Ne si opozitë duhet të jemi të afruar për të krijuar mes veten marrëdhënie konsensuale pastaj ta ndërtojmë me palën tjetër.

Ne kemi filluar të diskutojmë edhe për emrat. Unë kam diskutuar e me Agron Dukën dhe kemi propozuar emrin e mikut tonë Dashamir Shehi.

Ka një histori politike por thamë edhe një herë që duhet konsensus i përbashkët”, tha Mediu./m.j