Ka nisur sot në mesditë Konferenca e Kryetarëve e mbledhur për nisjen e procedurave për zgjedhjen e Presidentit të ri. Që në nisje, kryetari i grupit parlamentar Taulan Balla u shpreh se seanca e parë për zgjedhjen e presidentit të mbahet në 16 maj.
Balla: Në vijim edhe të diskutimit të zhvilluar në pjesën e parë të kësaj mbledhje unë i qëndroj propozimit të bërë për të zhvilluar raundin e parë në datë 16 maj ora 17:00, një seancë të posaçme sic e përcakton kushtetuta dhe nenet e rregullores së Kuvendit. Kjo datë është një datë e përshtatshme brenda afatit.
Nga ana tjetër deputetja e PD, Flutura Açka u shpreh skeptike për këtë proces. Ajo u shpreh se mazhoranca e ka zgjedhur Presidentin, i cili sipas saj është ndonjë person që i ka shërbyer komunizmit ose ndonjë lëpirës dore, sic e konsideroi ajo.
“Kështu që ky si proces ndoshta pa dashje, jo me dëshirën e keqe u bë disi pjesë. Unë e shikoj që huqi nuk ka për t’ju lënë të negocioni me ne. Unë kam bindjen që ju e keni zgjedhur presidentin dhe ne jemi buzëkuqi juaj që të dukeni të bukur para Evropës. Unë jam e bindur që ju e keni zgjedhur presidentin për mos thënë dhe emra. Ju nuk keni kriter të tretë, ose bijën o se birin e një komunisti që i ka shërbyer asaj kohe, ose ndonjë lëpirës dore”, u shpreh Acka.
Deputeti Agron Gjekmarkaj tha se nëse mazhoranca i ka të sinqerta propozimet për negociata për zgjedhjen e presidentit të ri së bashku me opozitën, ato janë të gatshëm që të propozojnë emrat për kandidatët.
‘Flitet për proces por nuk ka proces. Procesi është në kokën e një individi. A ka të drejtë mazhoranca të propozojë emrin e presidentit të Republikës. Por kjo mazhorancë ka disa probleme. Ka probleme me çështjen e zgjedhjeve dhe të mandatave, ku një pjesë e deputetëve kanë përfunduar edhe në qeli. Edhe për faj të opozitës aktuale kjo mazhorancë ka më shumë pushtet. Rama ka folur për një mundësi bashkëpunimi me opozitën. Nuk e kam kuptuar deri ku shkon oferta e opozitës për të përfshirë presidentin. Ai caktoi një komision për të caktuar identiktin. Në fund ju thatë se nuk do të jetë nga politika. Unë dua një president politik.
Zgjidhni një personalitet të PS. Opozita ka 63 deputetë në Kuvend. Jam deklaruar që opozita ka detyrimin që të nxjerrë emra për president. E djathta ka emra dinjitoze. Pas çdo emri fshihen edhe cilësia. Opozita ka detyrimin moral ti japë një kandidat alternativ vendit për president. Nëse jeni të sinqertë, në atë që keni deklaruar, apo do të mirëprisni emra. Në do të ishim të gatshme të ndërtonim një strategji komunikimi duke propozuar edhe emra.’- tha Gjekmarkaj.
g.kosovari
