Qeveria është gati të ulet në tryezë me opozitën për reformën zgjedhore. Nga Elbasan, Sekretari i Përgjithshëm i PS-së, Damian Gjiknuri u shpreh se kjo reformë ka një standard të ndjekur nga të gjitha palët në opozitë apo qeveri.
“Komisioni i reformës zgjedhore ka një standard do të thotë që ka një standard të ndjekur nga të gjitha palët, që janë rekomandimet e OSBE-ODIHR dhe çështje të tjera që lidhen me amendimet e kodit zgjedhor. Ne jemi të gatshëm të ulemi për reformën zgjedhore për të adresuar çështjet e mbetura apo që mund të dalin”, tha Gjiknuri.
Sa i takon zgjedhjes së Presidentit të ri, Gjiknuri tha se mazhoranca është e hapur për të diskutuar me opozitën për një President konsensual.
“Fryma e Kushtetutës është që të synohet një presidenti konsensual. Do të thotë që ne jemi të hapur edhe për propozimet që vijnë nga opozita. Kjo nuk do të thotë se ne nuk kemi hapësirë për njerëz që mund të jenë mbi palët për të gjetur një figurë konsensuale dhe patjetër opozita ka një rol në këtë mes dhe këtë e ka bërë të qartë edhe Presidenti”, u shpreh Gjiknuri.
Ndërsa deklaratat e Berishës, i cili një ditë më parë tha se do të bëhet sërish kryeministër, Gjiknuri i komentoi keshtu: “Mesa di unë ata luftën e ka mes vetes. Edhe Basha kështu ka thënë. Por ne nuk përzihemi në punët e brendshme të PD se kë do kenë lider e dinë ata. Ndërsa për kryeministër të shohim pas 4 viteve”
g.kosovari
