Presidenti i Parlamentit Europian, Martin Schulz, vjen të hënën në Tiranë në një vizitë zyrtare, në kuadër të turit ballkanik, që përfshin dhe Serbinë e Bosnjën.
Axhenda e vizitës së zyrtarit më të lartë të PE-së nis me takimin me kreun e Kuvendit, Ilir Meta, me të cilin më pas do të ketë dhe një konferencë të përbashkët për shtyp.
Rreth orës 12.45, Schulz do të pritet në një takim të veçantë nga Presidenti Bujar Nishani e më pas nga kryeministri, Edi Rama, me të cilin do të mbajë gjithashtu një konferencë të përbashkët për shtyp, raporton ATA.
Të martën Presidenti Schulz do t’i drejtohet me një fjalë përshëndetëse deputetëve të Kuvendit të Shqipërisë.
Vizita e sotme në Tiranë e Martin Schulz është e para në cilësinë e Presidentit të PE-së, ndërsa më herët ai ka ardhur në Shqipëri, kur drejtonte grupin parlamentar të së majtës
