Presidenti turk Recep Tayip Erdogan priti homologun e tij kuban Miguel Diaz-Canel Bermudez me një ceremoni zyrtare në kompleksin presidencial në Ankara.
Liderët do të zhvillojnë bisedime kokë më kokë, të cilat do të pasohen nga një konferencë e përbashkët shtypi.
Sipas presidencës turke, Erdogan dhe Bermudez do të shkëmbejnë mendime për marrëdhëniet Turqi-Kubë dhe hapat e mundshëm që synojnë përmirësimin e bashkëpunimit mes dy vendeve.
Ata gjithashtu do të shkëmbejnë pikëpamjet mbi çështjet rajonale dhe globale, veçanërisht për Amerikën Latine dhe Karaibet.
Vizita përkon me 70-vjetorin e vendosjes së marrëdhënieve diplomatike mes Turqisë dhe Kubës.
Marrëdhëniet diplomatike midis Turqisë dhe Kubës u vendosën në vitin 1952. Turqia hapi ambasadën e saj të parë në Karaibe në Havana në vitin 1979.
Përpara takimit të tij me Erdoganin, Bermudez i bëri nderimet e tij Mustafa Kemal Ataturkut, themeluesit të Republikës së Türkiyes, në mauzoleun e tij.
“Delegacioni kuban viziton këtë vend për t’i bërë homazhe të përzemërta themeluesit të kombit modern turk, Kemal Ataturk, të cilin komandanti i përgjithshëm, Fidel Castor Ruz, e përshkruan si burim frymëzimi për Republikën Kubane”, shkroi ai në librin përkujtimor në Anitkabir.
Bermudez shtoi se populli kuban dhe turk ndajnë vlera të përbashkëta që janë trashëgimi e themeluesve të të dy kombeve.
/e.d
