Presidenti i Kosovës, Hashim Thaçi uroi të premten në mbrëmje Ilir Metën për zgjedhjen në krye të shtetit shqiptar.
“Presidentit të sapozgjedhur të Republikës së Shqipërisë dhe mikut tim, Ilir Meta i shpreh urimet më të sinqerta, i bindur se këtë detyrë të lartë shtetërore do ta kryej me dinjitet dhe përgjegjësi të lartë”, shkruan presidenti Thaçi në urimin drejtuar Metës.
Z. Meta, vijon Thaçi, ka qenë mbështetës i madh i Kosovës në të gjitha funksionet e tij politike dhe jam i bindur se ashtu do të jetë edhe në mandatin presidencial.
“Bashkëpunimi ndërmjet Kosovës dhe Shqipërisë ka qenë gjithmonë vëllazëror dhe institucional, përtej çdo interesi tjetër dhe i tillë do të jetë edhe në të ardhmen”, citohet mesazhi i urimit të z. Thaçi.
c.a
